यांची सकाळ दुपारी दोनला होते म्हणत खासदार तटकरे यांचे विरोधकांना खडेबोल

                थंड हवेचे ठिकाण असलेल्या माथेरानमध्ये सध्या निवडणुकीचे वारे वाहत आहेत. तेव्हा शिवसेना ठाकरे गट व राष्ट्रवादी काँग्रेस अजित पवार गट यासह मित्रपक्ष हे एकत्र येत शिवराष्ट्र पॅनेलच्या माध्यमातून या निवडणुकीला सामोरे जात आहेत. त्यामुळे दिनांक २५ नोव्हेंबर रोजी माथेरान येथील राजकीय इतिहास असलेल्या श्रीराम चौकात शिवराष्ट्र पॅनेलची सभा आयोजित करण्यात आली होती. यावेळी मंचावर राष्ट्रवादी काँग्रेस अजित पवार गटाचे प्रदेशाध्यक्ष खासदार सुनिल तटकरे, राष्ट्रीय महिला आयोगाच्या अध्यक्षा रूपाली चाकणकर, माजी खासदार अनंद परांजपे, जिल्हाध्यक्ष सुधाकर घारे, अशोक भोपतराव, कर्जत तालुकाध्यक्ष दीपक श्रीखंडे, भगवान चंचे, कर्जत तालुका महिलाध्यक्ष ऍड,रंजना धुळे, शिवसेना ठाकरे गटाचे युवासेना विधानसभा अधिकारी ऍड. संपत हडप, प्रथमेश मोरे, नेरळ शहरप्रमुख हेमंत क्षीरसागर आदी उपस्थित होते.

यावेळी बोलताना खासदार तटकरे पुढे म्हणाले कि आम्ही मिळवलेला निधी सुद्धा विरोधकांनी त्यांच्या वचननाम्यात दाखवला आहे. सभेत दुकान पाडणीच्या विषयाला ही स्पर्श करत त्या काळात दुकानांवरून कोणाचा दबाव होता, ते ही सर्वांना माहीत आहे, असे मुद्देसूद वक्तव्य करून तटकरे यांनी वातावरण तापवले आणि विरोधकांचा खरपूस समाचार घेतला. शिवसेना शिंदे गटाचे शहरप्रमुख मनोज खेडकर यांच्यावर निशाणा साधत जिथे तिथे राजकीय फेरफटका मारून आलेल्यांनी आम्हाला विकासाचे धडे देऊ नयेत. उमेदवारीसाठी उभे राहणारेच आज शहरप्रमुख बनून शांत बसलेत, हे माथेरानकर विसरणार नाहीत. पर्यटन वाढ, युवकांना रोजगार, घोडे व्यवसायाला पुन्हा उभारी, आणि शहराच्या विकासाचा आराखडा प्रतिज्ञापत्राप्रमाणे पूर्ण करण्याचा विश्वासही व्यक्त केला. असून आम्हाला बकासुर म्हणणाऱ्या आम्हीच गिळून टाकू असा थेट निशाणा साधला.
या सभेला प्रमुख उपस्थिती माजी नगराध्यक्ष प्रेरणा सावंत, शहरप्रमुख कुलदीप जाधव आणि महिला आयोगाच्या रूपाली चाकणकर यांनी मार्गदर्शन केले. महिलांना आर्थिकदृष्ट्या सक्षम करण्यासाठी तटकरे यांच्या नेतृत्वाखाली रोजगार संधी निर्माण करण्यासाठी प्रयत्न सुरू असल्याची माहिती रूपाली चाकणकर यांनी दिली.या सभेत शिवराष्ट्र पॅनल चे २० नगरसेवक पदाचे उमेदवार तसेच पदाधिकारी मोठ्यासंखेने उपस्थित होते.यावेळी सभेला जमलेली गर्दी विशेष राजकीय चर्चेचा केंद्र बिंदू ठरली.