नेरळ जिल्हा परिषदेवर धनुष्य बाण तर पंचायत समितीवर कमळ

नेरळ: सुमित क्षिरसागर

जिल्हा परिषद व पंचायत समितीच्या सार्वत्रिक निवडणुकीत कर्जत तालुक्यात सध्या वेगवेगळ्या राजकीय चर्चांना उधाण आले असून या सुरू असणाऱ्या जिल्हा परिषद व पंचायत समितीच्या निवडणुकीत कर्जतमध्ये कोण बाजी मारणार याबाबत वेगवेगळे तर्कवितर्क समोर लढवले जातायेत. मात्र, नेरळ जिल्हा परिषद व पंचायत समितीच्या सार्वत्रिक निवडणूकीत कर्जत विधानसभेचे आमदार महेंद्र थोरवे यांच्या मार्गदर्शनाखाली शिवसेनेचे पदाधिकारी आणि कार्यकर्ते यांनी नेरळमध्ये शिवसेनेच्या ऐतिहासिक विजयासाठी जोरदार मोर्चेबांधणी सुरू केली आहे. त्यामुळे नेरळ जिल्हा परिषद गटातून सुनिता सुरेश टोकरे तर, नेरळ पंचायत समिती गणातून नम्रता नितीन कांदळगावकर यांचे पारडे महायुतीच्या माध्यमातून जड असल्यामुळे नेरळ जिल्हा परिषद गटात जिल्हा परिषदेवर धनुष्य बाण तर पंचायत समितीवर कमळ फुलणार असा विश्वास जनतेकडून वर्तवला जातो.

READ ALSO

कर्जतमध्ये होणार भारतातील सर्वात मोठी विद्यार्थी-केंद्रित चॅरिटी रन ‘कन्‍याथॉन २०२६

06/03/2026

शाळा सोडल्याच्या ५० वर्षानंतरही मित्रमैत्रिणींची भेट

10/12/2025

नेरळ जिल्हा परिषद व पंचायत समिती विभागात महायुतीच्या माध्यमातून विरोधकांना राजकीय दृष्ट्या चितपट करण्यासाठी पदाधिकारी व कार्यकर्ते यांनी आपली संपूर्ण संघटनात्मक ताकद लावली आहे. त्यामुळे नेरळ जिल्हा परिषद गट व दोन्ही पंचायत समिती गणावर महायुतीच्या माध्यमातून विजय मिळवला जाईल अस राजकीय वर्तुळात बोलले जात आहे.
कर्जत विधानसभा मतदार संघाचे आमदार महेंद्र थोरवे यांच्या मार्गदर्शनाखाली नेरळ जिल्हा परिषद गटावर भगवा फडकविण्यासाठी महायुतीचे पदाधिकारी, कार्यकर्ते व महिला भगिनी सज्ज झालेल्या आहेत. तेव्हा संपूर्ण नेरळ प्रभागातून यंदाच्या जिल्हा परिषद निवडणुकीत शिवसेना, भाजपा, शेकाप व आरपीआयचे कार्यकर्ते प्रचंड आत्मविश्वासाने या निवडणुकीला सामोरे जात असल्यामुळे नेरळ जिल्हा परिषद गटात परिवर्तन विकास आघाडीचे पाणीपत करण्यासाठी महायुतीने आपली प्रचाराची घौडदौड सातत्याने सुरु ठेवली आहे.
एकूणच घोडे मैदान जवळ आहे.आणि जनता आपला कौल कोणाच्या पारड्यात टाकते हे येणाऱ्या ९ फेब्रुवारीच्या निकाला दरम्यान चित्र स्पष्ट होणार आहे.

आमदार महेंद्र थोरवे यांच्या माध्यमातून नेरळ शहराचा कायापालट करण्यासाठी आम्ही कायम अग्रेसर राहिलो आहोत. कोट्यवधींची विकासकामं आजवर करण्यात आली आहेत. तर सुरेश दादा टोकरे यांच्यामाध्यमातून नेरळ शहरात रस्ते, समाजमंदिर, ग्रामीण भागात पाणी, स्वच्छता, शिक्षण असे अनेक प्रश्न सोडवण्यात आले आहेत. एकंदरीत विकासाचा अजेंडा घेऊन आम्ही या निवडणुकीला सामोरे जात आहोत. महायुतीने आजवर केलेला विकास कुणी नाकारू शकत नाही. त्यामुळे जनता महायुतीलाच कौल देणार आणि ९ तारखेला आम्ही विजयाचा गुलाल उधळणार हि काळ्या दगडावरची रेघ आहे.

प्रभाकर देशमुख
शहरप्रमुख, शिवसेना नेरळ शहर

कर्जत विधानसभेचे आमदार महेंद्र थोरवे यांच्या माध्यमातून संपूर्ण नेरळ जिल्हा परिषद विभागात सर्वसामान्य नागरिकांना अपेक्षित असणारा विकास करण्यात आला आहे. त्याच विकासकामांच्या जोरावर नेरळ जिल्हा परिषद विभाग व पंचायत समिती विभागात दोन्ही उमेदवार महायुतीचे विजयी होतील

विशाल साळुंके
युवासैनिक, नेरळ शहर