कोदिवले व साळोख शाळा आता सौरऊर्जेवर

नेरळ ( दीपक पाटील )

कर्जत तालुक्यातील रायगड जिल्हा परिषदेच्या कोदिवले व साळोख या शाळांना सौरऊर्जेची भेट मिळाली आहे. त्यामुळे या शाळांमधील विद्यार्थ्याची विद्युत् समस्या निकाली निघाली आहे. तर शिक्षणाचा मार्ग आणखी सुलभ झाला आहे. दरम्यान या दोन्ही शाळांना मिळून तब्बल 2 लाख रुपयांचे सौरऊर्जेचे संच देण्यात आले आहेत तर यासाठी रोटरी क्लब आँफ देवनार यांनी पुढाकार घेतला असून रोटरियन अर्जुन तरे यांनी महत्त्वाची भूमिका निभावली आहे.

READ ALSO

शेती जगविण्यासाठी मातीचे संवर्धन अपरिहार्य : डॉ.भरत वाघमोडे

07/12/2025

गणेश मोडक हा माझा जिवाभावाचा सहकारी

26/10/2025

रोटरी क्लब आँफ देवनार, मुंबई डिस्ट्रिक्ट ३१४१ यांच्यातर्फे कर्जत तालुक्यातील जिल्हा परिषद शाळा कोदिवले आणि साळोख या ठिकाणी सोलार सिस्टम लावण्यात आली. या सोलार सिस्टम प्रणालीचे अनावरण कोदिवले येथील जिल्हा परिषद शाळेत पार पडले. याप्रसंगी शाळेचे मुख्याध्यापक कोळी गुरूजी म्हणाले की, या उपक्रमाबाबत आम्ही रोटरी क्लब आँफ देवनार यांचे मनपूर्वक आभार व्यक्त करतो तसेच सामाजिक कार्यकर्ते आणि रोटरियन अर्जुन तरे यांच्या विशेष प्रयत्नांनी हे उपकरण आम्हाला उपलब्ध होऊ शकले तेव्हा याचा शाळेला नक्कीच फायदा होईल. या संस्थेच्या माध्यमातून तालुक्यात गेल्या २५ वर्षात अनेक समाजोपयोगी उपक्रम राबविण्यात आले असून यामध्ये प्रामुख्याने शैक्षणिक, आरोग्यविषयक, शुध्दजल, क्रिडा, सौचालय बांधणे, मूलींना सायकल वाटप, महिला सक्षमीकरणासाठी पिंक आँटो रिक्षा देणे, शाळांमध्ये ईलर्निंग प्रणाली आदीसांरखे स्तुत्य उपक्रम राबविण्यात आले आहे.
यावेळी सदर कार्यक्रमास रोटरी क्लब आँफ देवनारच्या अधक्ष्या श्रीमती अल्का मुरली, रोटरी ग्रामीणचे अध्यक्ष कन्नन, ज्येष्ठ रोटरीयन झंकार गडकरी, राजू जोशी, अशोक नाईक, कर्जत तालुका रोटरी समन्वयक अर्जुन तरे, सोलार सिस्टीमचे पराग कानेकर यांच्यासह शाळेचे मुख्याध्यापक कोळी गुरूजी, शिक्षक गण तसेच ग्रामस्थ जनार्धन तरे, केशव तरे, पोलिस पाटील शेखर तरे, ग्रामपंचायत सदस्य मानसी तरे, भगवान तरे, गोपाळ तरे, रघुनाथ तरे, विदयार्थी आणि पालक आणि महिला मोठ्या संख्येने उपस्थित होते.

अत्याधुनिक यंत्रणा
यामध्ये कोदीवले शाळेत २२५ एएच चे दोन बॅटरी संच, एक इन्व्हर्टर, ५९० वॅट चे दोन पॅनल, यासोबत सोलर चार्ज कंट्रोलर, तर साळोख शाळेत देखील ५९० वॅट चे दोन पॅनल देण्यात आले आहेत. ही यंत्रणा अत्याधुनिक तंत्रज्ञानावर अवलंबून आहे. त्यामुळे सुमारे १००० वॅट वीज सूर्यप्रकाशातून उत्पन्न होणार असून ती साठवली जाणार आहेच. सोबत ही यंत्रणा सूर्यप्रकाशाला अधिक महत्त्व देणारी असल्याने महावितरणच्या विजेवरचा ताण आणि खर्च याची बचत होणार आहे. त्यामुळे या शाळांमध्ये असलेल्या इ लर्निगचे शिक्षण आता विद्यार्थ्यांना विनादिक्कत घेता येणार असल्याने त्यांच्या शिक्षणाचा मार्ग आणखी सुलभ झाला आहे.