कर्जतमध्ये होणार भारतातील सर्वात मोठी विद्यार्थी-केंद्रित चॅरिटी रन ‘कन्‍याथॉन २०२६

                    विजयभूमी युनिव्‍हर्सिटीच्‍या नियामक मंडळाच्‍या सदस्‍या श्रीमती कल्‍पना पाडोदे म्‍हणाले, ”कन्‍याथॉन विद्यार्थी-केंद्रित चॅरिटी रन असण्‍यासोबत चळवळ देखील आहे. विद्यार्थी सामाजिक परिवर्तनामध्‍ये नेतृत्‍व करतात तेव्‍हा निधी उभारण्‍यासह महत्त्वाकांक्षा देखील निर्माण करतात. कन्‍याथॉनमध्‍ये उचलण्‍यात येणाऱ्या प्रत्‍येक पावलामधून खात्री घेतली जाते की कोणत्‍याही मुलीच्‍या स्‍वप्‍नामध्‍ये तिच्‍या परिस्थितीचा अडथळा येणार नाही. कर्नाटक व महाराष्‍ट्रातील सरकारी शाळांमध्‍ये स्‍थापित करण्‍यात आलेल्‍या नऊ कन्‍याथॉन शिक्षा केंद्रांच्‍या (केएसके) माध्‍यमातून या उपक्रमाने सवांदात्‍मक इंग्रजी, संगणक साक्षरता आणि आरोग्‍य व स्‍वच्‍छता शिक्षणामधील संरचित उपक्रमांच्‍या माध्‍यमातून १,००० हून अधिक विद्यार्थीनींच्‍या जीवनात आमूलाग्र बदल घडवून आणला आहे. हा उपक्रम पायाभूत सुविधा सुधारण्‍यावर देखील लक्ष केंद्रित करतो, ज्‍यामध्‍ये सुरक्षित व सक्षम शैक्षणिक वातावरण निर्माण करण्‍यासाठी कम्‍प्‍युटर लॅब्‍स, वर्गामधील सुधारणा आणि स्‍वच्‍छता सुविधा यांचा समावेश आहे.

            या वर्षीच्‍या पर्वामध्‍ये २ किमी वॉकेथॉन्‍स, ५ किमी व १० किमी टाइम रन्‍स, प्रो रन्‍स, फॅमिली रन्‍स, फिटनेस क्रियाकलाप आणि ई-गेमिंग स्‍पर्धांचा समावेश असेल, जे एकाच वेळी बेंगळुरू, कर्जत येथे आणि पहिल्‍यांदाच जम्‍मूमध्‍ये आयोजित करण्‍यात येतील. जम्‍मू व काश्‍मीरचे मुख्‍य सचिव श्री. अटल डुल्लू आणि भारत सरकारच्या युवा व्यवहार व क्रीडा मंत्रालयाचे क्रीडा सचिव श्री. हरी रंजन राव यांच्या पाठिंब्यामुळे कन्याथॉनचा हा नवीन अध्याय अनेक महत्त्वाकांक्षी मुलींच्या जीवनावर सकारात्मक प्रभाव पाडण्‍याची खात्री आहे. नोंदणी व सहयोगांमधून मिळणारा निधी उच्‍च जोखीम असलेल्‍या समुदायांमधील मुलींसाठी शिक्षण, आरोग्‍य, डिजिटल साक्षरता व उदरनिर्वाह विकासामधील संरचित हस्‍तक्षेपांसाठी वापरण्‍यात येईल.
तसेच, कन्‍याथॅन सध्‍या पुण्‍यातील बुधवार पेठ आणि मुंबईतील कामाठीपुरा येथील व्‍यावसायिक सेक्‍स वर्कर्सच्‍या (देहविक्रय करणाऱ्या महिला) २० मुलींच्‍या शिक्षणाला साह्य करत आहे, ज्‍यामुळे शाश्वत शैक्षणिक व मार्गदर्शन पाठिंब्‍याच्‍या माध्‍यमातून असुरक्षिततेचे आंतरपिढीय चक्र मोडून काढण्‍यास मदत होत आहे. विविध लाभार्थी आता सामाजिक कार्य, व्‍यवसाय प्रशासन आणि मानसशास्‍त्र अशा विषयांमध्‍ये उच्‍च शिक्षण घेत आहेत, ज्‍यामधून या उपक्रमाचा दीर्घकालीन प्रभाव दिसून येतो.
हा उपक्रम आर्थिकदृष्‍ट्या कमकुवत विभागांमधील गुणवंत मुलींना उच्‍च शिक्षणासाठी शिष्‍यवृत्ती देखील देतो. द अक्षय पात्र फाऊंडेशनसोबत सहयोगाने कन्‍याथॉन आपल्‍या केंद्रांमधील विद्यार्थ्‍यांसाठी मध्‍यान्‍ह भोजनाची सुविधा देते, ज्‍यामुळे शाळेमधील उपस्थितीचे प्रमाण वाढण्‍यासह शिक्षणामध्‍ये सातत्‍यतेची खात्री मिळते. मासिक पाळीदरम्‍यान घ्‍यावयाच्‍या स्‍वच्‍छतेसंदर्भात उपक्रम किशोरवयीन मुलींना साह्य करतात, ज्‍यामुळे त्‍यांची निष्‍ठा, आरोग्‍य आणि शाळेमध्‍ये टिकून राहण्‍यास चालना मिळते.
कन्‍याथॉन २०२६ साठी जोरात तयारी सुरू असताना आयोजक कॉर्पोरेट सहयोगींना सीएसआर फंडिंग, शिष्‍यवृत्ती आणि कर्मचारी सहभाग उपक्रमांच्‍या माध्‍यमातून सहयोग करण्‍याचे आवाहन करत आहे, ज्‍यामुळे या उपक्रमाचा प्रभाव मोठ्या प्रमाणात वाढेल. कॉर्पोरेटकडून मिळणारे योगदान प्रत्‍यक्ष वंचित पार्श्वभूमींमधील मुलींना शिष्‍यवृत्ती, डिजिटल पायाभूत सुविधा, पोषण साह्य आणि आरोग्‍य उपक्रमांमध्‍ये साह्य करेल.
व्‍यक्‍ती, कुटुंबे, कॉर्पोरट्स आणि विद्यार्थी समूहांसाठी नोंदणी सुरू आहे. सहभागी https://kanyathon.ifim.edu.in/ येथे भेट दे ३ किमी, ५ किमी व १० किमी श्रेणींमध्‍ये सहभाग घेऊ शकतात. प्रत्‍येक नोंदणी मुलींसाठी शिक्षण, निष्‍ठा व संधीच्‍या दिशेने पाऊल आहे.