लाथ मारेल तेथे पाणी काढण्याची ताकद नेतृत्वात असली पाहिजे : उपमुख्यमंत्री अजित पवार

            कर्जत टिळक चौकातील परिवर्तन आघाडी विकास अघाडीच्या जाहीर सभेत राज्याचे उपमुख्यमंत्री अजितदादा पवार यांनी कर्जतकरांना परिवर्तन घडविण्याची हाक देत कर्जत नगरपरिषद निवडणूकीत कर्जतकरांनी  सर्व उमेदवाराना तुम्हीची साथ देत निवडूण दया. आम्ही कर्जतच्या विकासाकरीता कटीबध आहोत व राहू असे कर्जतकरांना आश्वस्त केले. तर राष्ट्रवादी काँग्रेस पक्षाचे प्रदेशाध्यक्ष तथा रायगडचे खासदार सुनिल तटकरे यांनी तुम्ही माझा डी एने काढता, प्रथम डी एनेचा अर्थ सांगा. तुमचा डी एने काढला तर तुमच्या  गुन्हेगारीचा पाडा निघेल अशी खोचक टीका आ. थोरवे यांचे नांव न घेता केली.

                सन. २०२५ च्या कर्जत नगरपरिषद सार्वत्रिक निवडणूकी निमित्त  कर्जत परिवर्तन विकास आघाडीची आज कर्जत टिळक चौक येथे  दि. २८ नोव्हेंबर २०२५ रोजी सायंकाळी ६.३० वाजता राज्याचे उपमुख्यमंत्री अजितदादा पवार व राष्ट्रवादी काँग्रेस पक्षाचे प्रदेशाध्यक्ष तथा रायगडचे खासदार सुनिल तटकरे यांच्या मुख्य उपस्थितीत जाहीर सभा पार पडली. या प्रसंगी राज्याचे उपमुख्यमंत्री तथा राष्ट्रवादीचे राष्ट्रीय अध्यक्ष अजितदादा पवार यांनी उद्योग रोजगार वाढीसाठी तसेच नागरिकांना चांगली आरोग्य व्यवस्था मिळावी यासाठी विशेष प्रयत्न करणार असल्याचे सुतोवाच करत, त्यांनी त्यांच्या बारामती मॉडेल चे उदाहरण देत कर्जत शहर सुद्धा तसे करता येऊ शकते मात्र येथील सत्ताधारी नेतृत्वात तेवढी धमक असावी लागते असा टोला नाव न घेता अप्रत्यक्षपणे आमदार महेंद्र थोरवे यांना लगावला. सुमारे आठ कोटी मंजूर होऊन कर्जत मुरबाड राज्य मार्गावरील सुरू केलेल्या पुलाचे काम ठेकेदार अर्धवट सोडून का जातो यामागे काय कारण आहे याबाबत मुख्यमंत्री यांच्याशी बोलून चौकशी समिती बसवण्यात येईल असेही यावेळी अजित पवारांनी जाहीर केले. थेट नगराध्यक्ष पदाच्या उमेदवार पुष्पाताई दगडे या यापूर्वी तीन वेळा नगरसेविका म्हणून निवडून आल्या आहेत, आत्ताच्या काळात सलग तीन वेळा निवडून येणे कठीण आहे. त्यामुळे पुष्पाताई यांचे काम नक्कीच चांगले असल्याने, यावेळी सुद्धा त्या निवडून येतील असा विश्वास व्यक्त करत, लाथ मारील तेथे पाणी काढण्याची ताकद नेतृत्वात असली पाहिजे असे उपमुख्यमंत्री अजित पवार यांनी सांगितले.

                राष्ट्रवादीचे प्रदेशाध्यक्ष तथा रायगडचे खासदार सुनील तटकरे यांनी तुम्हाला साध कर्जत मध्ये एक सुसज्ज असे नाट्यगृह उभारता आले नाही. तुम्ही माझा डी एन ए काढता, पहीला डी एन ए चा अर्थ काय हे सांगा माझा डी एन ए काढला तर तो समाजसेवेचा व स्वच्छ कारभाराचा आहे. माझ्यावर साधी एक एफ आय आर देखील नोंद मिळणार नाही. मात्र तुमचा  सातबार काढला तर आयपीसीमधील जे काही कलम आहेत, ती सर्व कलम लागलेला कोण लोकप्रतिनिधी आहे ते कर्जतकर जाणतात  असा नाव न घेता आमदार महेंद्र थोरवे यांच्यावर अप्रत्यक्षपणे टीकास्त्र सोडले. तसेच कर्जत मधील उपजिल्हा रुग्णालयाची झालेली दुरावस्था, रखडलेले  विकास कामे यावर बोट ठेवत येथील नेतृत्वात कमतरता  असल्याचे संबोधत, तसेच महिला बाल विकास मंत्री आदिती तटकरे यांच्या माध्यमातून महिलांचे सक्षमीकरणाचे काम सुरू असल्याचेही यावेळी नमूद केले.

कोरोना काळात पुणे कर्जत मुंबई या रेल्वे मार्गावरील कर्जत रेल्वे स्थानकातील थांबा रद्द करण्यात आला होता तो आज तगायात सुरू करण्यात आलेला नाही तरी तो थांबा येथील प्रवाशांच्या मागणीनुसार पुन्हा सुरू करण्यासाठी केंद्रातील रेल्वे मंत्र्यांशी चर्चा करून पुन्हा सुरू करून देईल असा विश्वास यावेळी त्यांनी उपस्थित कर्जतकरांना दिला. त्याचप्रमाणे उपजिल्हा रुग्णालय अद्यावत करणार, शहराला २४ तास पाणीपुरवठा, चांगले रस्ते  आदी विकास कामे करण्यासाठी प्रयत्न करणार असल्याचे त्यांनी सांगितले.

या राष्ट्रवादी काँग्रेसचे रायगड जिल्हाध्यक्ष  सुधाकर घारे, पुंडलिक पाटील, एकनाथ धुळे, अशोक भोपतराव, शिवसेना उबाठा गटाचे जिल्हाध्यक्ष नितिन सावंत, उमा मुंढे, ऍड. राजीव साबळे, भगवान भोईर, विलास थोरवे,बाजीराव दळवी, नारायण डामसे, उत्तम जाधव, पंकज पाटील, बाबू घारे, सुवर्णा जोशी, राम राणे, अशोक सावंत, निलेश घरत, ऍड. गोपाळ शेळके, पुष्पा दगडे, रंजना धुळे, स्वप्नील पालकर, अजय सावंत, भिवसेन माळी, पूजा सुर्वे, मधुरा चंदन, दीपक श्रीखंडे, भिवसेन बडेकर यांच्यासह  परिवर्तन विकास आघाडीचे नगराध्यक्ष पदाचे उमेदवार पुष्पा दगडे व सर्व नगरसेवक पदाचे उमेदवार उपस्थित होते