गणेश मोडक हा माझा जिवाभावाचा सहकारी

गणेश मोडक हा माझा जिवाभावाचा सहकारी, पाथरज जिल्हा परिषद ठाकरे गटाचे विभाग प्रमुख गणेश काशिनाथ मोडक यांच्या शिवसेना पक्ष प्रवेशावेळी आमदार थोरवे भावनिक

READ ALSO

टाटा पॉवरचे जनसेवेसाठी महत्वाचे पाऊल

24/04/2026

कर्जतमध्ये होणार भारतातील सर्वात मोठी विद्यार्थी-केंद्रित चॅरिटी रन ‘कन्‍याथॉन २०२६

06/03/2026

नेरळ दि. ( दीपक पाटील)

स्थानिक स्वराज्य संस्थांच्या निवडणुका तोंडावर येऊन ठेपल्या आहेत. त्यामुळे शिवसेना शिंदे गटाने
आमदार महेंद्र थोरवे यांच्या नेतृत्वाखाली कंबर कसली आहे. जिल्हा परिषद वॉर्ड व पंचायत समितीवर भगवा फडकवण्याचा निर्धार शिवसेनेने केला आहे. तर थोरवे यांच्या नेतृत्व व कार्यपद्धतीवर विश्वास ठेवत पाथरज जिल्हा परिषद वार्डातील उद्धव बाळासाहेब ठाकरे विभाग प्रमुख गणेश काशिनाथ मोडक याचा आपल्या सहकाऱ्यांसह शिवसेनेत पक्ष प्रवेश केला आहे. यावेळी गणेश मोडक हा माझा जिवाभावाचा सहकारी असल्याचे म्हणत आमदार थोरवे हे भावनिक झाले.

कर्जत पोसरी येथील शिवतीर्थावर हा सोहळा पार पडला आहे. या वेळी गणेश मोडक यांच्यासह लहूदास बदे,हरेश धुळे,हनुमंत मोडक, अक्षय मोडक,अरुण मोडक,मनीष मोडक, ऋतिक मोडक, रवींद्र मोडक, वैभव मोडक,जयवंत मोडक, गौतम धुळे ,नील भोर्डे,उदय बदे ,ऋषी बदे, विक्रांत दळवी, साहिल मोडक, युवराज रसाळ,कैलास मोडक, सुरज मोडक,संतोष काळूराम धुळे, मयूर बदे, जयेश धुळे , शंकर सुरेश जोशी ह्यांनी शिवसेनेचा झेंडा हाती घेतला.
दरम्यान यावेळी बोलताना येणाऱ्या जिल्हा परिषद व पंचायत समितीच्या निवडणुकांमध्ये सर्व ठिकाणी शिवसेनेचाच भगवा फडकवणार. तसेच “शिवसेनेत कधीही नवा-जुना असा भेदभाव केला जात नाही. येथे प्रत्येकाला समान संधी, योग्य सन्मान आणि काम करण्यासाठी बळ दिले जाते अशी भावना आमदार महेंद्र थोरवे ह्यांनी व्यक्त केली.
या पक्षप्रवेश सोहळ्या प्रसंगी माजी सभापती मनोहर थोरवे, तालुका संपर्कप्रमुख दिलीप ताम्हाणे, तालुकाप्रमुख सुदाम पवाळी, युवा सेना जिल्हाप्रमुख प्रसाद थोरवे, तालुका समन्वयक दीपक भोईर, उपतालुकाप्रमुख रामचंद्र मिणमिने, ज्येष्ठ नेते भास्कर भाऊ दिसले, युवासेना उपतालुकाप्रमुख विलास मोडक, जिल्हा परिषद समन्वयक संदेश सावंत, विभाग प्रमुख पंढरीनाथ आगज,, विभाग प्रमुख भानुदास धुळे, सामाजिक कार्यकर्ते संजय तांबोळी, पंचायत समिती संघटक जितेंद्र घाडगे, ग्रामपंचायत प्रमुख प्रवीण रसाळ, युवा सेना विभाग प्रमुख सुनील बागडे, विभाग प्रमुख सावळे प्रफुल म्हसे, सरपंच हर्षद विचारे, सरपंच योगेश कांबेरे तसेच पक्षाचे पदाधिकारी व कार्यकर्ते उपस्थित होते.