माथेरानमध्ये महायुतीची जंगी सभा

नेरळ (आनंद सकपाळ)

माथेरान गिरिस्थान नगरपरिषद सार्वत्रिक निवडणुकीच्या प्रचारात रंग चढला असून आज माथेरान श्रीराम चौक येथे पर्यटन मंत्री शंभूराज देसाई यांच्या उपस्थितीमध्ये महायुतीच्या झालेल्या जाहिर प्रचार सभेमध्ये माथेरान नगर परिषदे औरंग्याच्या छावणीत जाऊ देऊ नका असा विरोधकांवर आमदार महेंद्र थोरवे यांनी घणाघाती टीका केली.
माथेरान गिरिस्थान नगरपरिषद सार्वत्रिक निवडणूकीसाठी शिवसेना शिंदे गट, भारतीय जनता पार्टी व आरपीआय महायुतीचे थेट नगराध्यक्ष पदाचे उमेदवार चंद्रकांत चौधरी व सर्व नगरसेवक यांच्या विजयासाठी माथेरान मधील श्री राम चौकात आज दिनांक २५ नोव्हेंबर २०२५ रोजी पर्यटनमंत्री शंभुराजे देसाई, खासदार श्रीरंग बारणे, आमदार महेंद्र थोरवे, भाजपाचे पनवेलचे आमदार प्रशांत ठाकूर, उत्तर रायगड जिल्हाध्यक्ष अविनाश कोळी आदि मान्यवर पदाधिकारी यांच्या उपस्थिती मध्ये जाहिर सभा पार पडली. या सभेमध्ये बोलताना माथेरानच्या विकासासाठी कटिबद्ध असल्याचा शब्द व नगराध्यक्ष झाल्यावर पण मनोज खेडकर चंद्रकांत चौधरी ही जोडी टिकावा असा सल्ला पर्यटनमंत्री शंभुराजे देसाई यांनी दिला. यावेळी कर्जत – खालापूर विधानसभेचे आमदार महेंद्र थोरवे यांनी आपल्या भाषणातून माथेरान नगरपरिषद ही या निवडणूकीमध्ये औरंग्याच्या छावणीत जाऊ देऊ नका असा घणाघात टीका ही विरोधकांवर करत, माथेरानकरांनी शिवसेना शिंदे गट, भारतीय जनता पार्टी व आर पी आय पक्षाच्या महायुतीच्या नगराध्यक्ष पदाचे उमेदवार चंद्रकांत चौधरी व सर्व नगरसेवक पदाच्या उमेदवारांना माथेरान नगरपरिषदेवर निवडून दया असे माथेरानकरांना अहवान केले आहे.

No Result